X.M.Mecidova
Bakı Slavyan Universiteti

Türk şeiri XIX əsrin ortalarına gəlincəyə qədər mənbəsini Şərqdə tapan və böyük ölçüdə dinin bəslədiyi bir mədəniyyət dünyası ilə yoğrulmuş, XIV əsrdən başlayaraq da Divan şeiri deyilən köklü bir şeir adəti içində klassik olaraq əsrlər boyu səltənətlərini sürdürmüşlər.
XVIII    əsrin sonlarından XIX əsrin ilk illərinə keçərkən, türk mədəniyyət dünyası, yeni bir mədəniyyət quruluşu ilə üz-üzə gəlirdi. Qərb eləcə də, Fransız mədəniyyət həyatını tanımağa başlayan türk ziyalısı, bir tərəfdən özü üçün lazımi olan elm və texnika ilə bağlı yenilikləri, bir tərəfdən də Qərb, Fransız fikir cərəyanlarını izləyirdi. Bu qarşılıqlı ünsiyyət, əlaqələr, yaxınlıq türk mədəniyyət həyatına və ədəbiyyat dünyasına yeni keyfiyyətlər, yeni dəbli janrlar, fərqli sənət materialları qazandırırdı.
XIX əsrin ikinci yarısından başlayaraq Tanzimat Fərmanının (3 noy,1839) siyasi və sosyal sahədə qeyd etdiyi yeniləşmə  hərəkatları,  istər-istəməz  ədəbiyyat  sahəsinə  də  öz  təsirini  göstərirdi.    ―Tanzimat    Ədəbiyyatı"  olaraq adlandırılan bu dönəm ədəbiyyatı, xalqa yönəlmə, xalqı aydınlatma və xalqını savadlandırma yolunda çalışırdı. Məhz böyük şair və yazıçı N.Kamalın bu istiqamətdə fəaliyyəti olduqca böyükdür.