Q.Süleymanova
Bakı Qızlar Universitetinin

Məmməd Səid Ordubadinin bütün fəaliyyəti və yaradıcılığı içərisində yazdığı tarixi romanlar silsiləsi daha üstün yer tutur. Tarixi romanının yaradıcısı bir-birinin ardınca «Gizli Bakı», «Dumanlı Təbriz», «Döyüşən şəhər», «Dünya dəyişir», «Qılınc və qələm» əsərlərini yazdı. Bu romanlar Azərbaycanın inqilabi hərəkat tarixini əks etdirirdi. Həmin romanlar öz ardıcıllığına və ideya-məzmun birliyinə görə silsilə təşkil edir. Bakı fəhlələrinin həyat və mübarizəsi bu romanlardan olan «Gizli Bakı»nın əsas ideya istiqamətidir.
«Gizli Bakı» romanının dili bir anlığa quru təsir bağışlayır.Əvvəl bu romanın dilinə girişmək istəmirsən. Amma dərinə gedəndə görürsən ki, XX əsrin əvvəllərində (1905-ci ildə) Bakıda baş vermiş inqilabi-tarixi hadisələr, siyasi olayların təqdimi təkcə dövrün şəraiti, situasiyası, tarixi şəxsiyyətləri ilə deyil, eləcə də M.S.Ordubadinin həzin, siyasi dil və üslubu ilə də təqdim olunur. Özü də mükəmməl bir şəkildə.