Həsənova Əzizə Vərqa qızı
Azərbaycan Dövlət Pedaqoji Universiteti
TƏHSİLİN İDARƏ OLUNMASINDA MƏKTƏB VƏ İCTİMAİYYƏT PROBLEMİ
Key words: objectivity, school, management, community, attitude
Kлючевые слова: объективность, школа, менеджмент, сообщество, отношение
21-ci əsr ötən əsrlərdən özünün yüksək sürətli inkişafı və dəvamlı informasiya axını ilə xarakterizə olunur. Belə bir zamanda, şəxsiyyət azadlığı anlayışının ön plana çəkilməsi, cəmiyyətin demokratik prinsipləri dəstəkləməsi kimi tendensiyaları da bərabərində gətirdi. Bir çox sahələrdə olduğu kimi, cəmiyyətin təhsil sferasında söz deməyə başlaması dövrün tələbindən başqa bir şey deyildir. Bunun nəticəsidir ki, bu gün Azərbaycan təhsil sisteminin önəmli xüsusiyyətlətindən biri dövlət-ictimai əsasda idarəedilməsidir. Dövlət-ictimai idarəetmə nə deməkdir?
Təhsilin dövlət-ictimai idarəetməsinin əsas ideyası təhsil problemlərini həll etmək üçün dövlətin və cəmiyyətin səylərini birləşdirmək, tədris prosesinin məzmunu, forma və metodlarını, müxtəlif tip təhsil müəssisələrini seçməkdə müəllimlərə, şagirdlərə, valideynlərə böyük hüquqlar və azadlıqlar vermək təşkil edir.