Bədəlzadə Günay Nazim qızı
Azərbaycan Respublikasının Təhsil İnstitutu

PSİXOLOJİ VƏ PEDAQOJİ TƏDQİQATLARDA "DAUN SİNDROMU " HAQQINDA FİKİR FORMALAŞMASI

Açar sözlər: Daun sindromu,Daun sindromlu şəxslər,psixoloji-pedaqoji tədqiqatlar
Key wolds: Down syndrome, People with Down syndrome, Psycho-pedagogical studies
Ключевые слова: синдром Дауна, люди с синдромом Дауна, психолого-педагогические исследования

Müasir Azərbaycanda əlil insanlar üçün münasibətlər tədricən dəyişir. Son zamanlar qəbul edilmiş qanunlar , insanların məhdud imkanları əsasında ayrı-seçkilik etməsinə maneə törətmişdir və Azərbaycanın əlil insanların həyat keyfiyyətinin yüksəldilməsinə yönəldilmişdir. Son illərdə əlillər, o cümlədən Daun sindromu olanlar, uşaq bağçalarına və məktəblərə qatılanların sayı əhəmiyyətli dərəcədə artmışdır,halbuki əvvəlki dövrlərdə bu mümkün deyildi.
Daun sindromu olan şəxslərin inkişafı, onların real inkişafı və inkişaf perspektivləri ilə bağlı fikirlər əksər hallarda bir çox miflər tərəfindən təhrif olunur. İndiyə qədər bir çox miflər var ki,bu cür uşaqlar sevdiklərini tanımırlar, ünsiyyət qura bilmirlər, bağçalara və məktəblərə gedə bilmirlər,təhsildə müvəfəqiyyət əldə etmirlər,müvafiq peşə istiqamətinə hazırlanmırlar ,işlə təmin olunmurlar və b .Bəzi valideynlərin , iddia etdiyi kimi, tərbiyə və təlimlə onların öhdəsindən gələ bilməyəcəklər və buna görə də bu uşaqlar uşaq evlərində böyüdükdə hər kəs üçün daha yaxşı olacaq.Xarakterik olaraq, bu fikir yalnız sıravi insanlar arasında deyil, həm də bəzi mütəxəssislər arasında mövcuddur.(2)