Yaqubova Cahidə Etibar qızı 
Azərbaycan, Bakı 
[email protected]

XIX ƏSR AZƏRBAYCAN AŞIQ YARADICILIĞI

Açar sözlər: aşıqlıq, məclislər, ustad, dastan, səfər
Key words: аshug's creativity, mejlises, master, dastan, travel
Ключевые слова: ашугство, меджлисы, мастер, дастан, путешествие 

Aşıq yaradıcılığının çox qədim tarixi vardır. XIX əsrdən başlayaraq aşıq şeiri və musiqisi inkişaf etməyə başlayır. Bu, sazda simlərin nizamlı düzülüşü, üç müstəqil səs axarının olması ilə əlaqəlidir. Aşıq sənəti oğuz və türk tarixi mədəni mərhələlərinin analoji sənət hadisələri əsasında yaranmışdır. Azərbaycanda dastançılar, ozanlar qədim zamanlardan mövcuddur. XVI-XVII əsrdən başlayaraq onlar aşıq adlandırılmışlar. 
Cavan aşıqlar aşıq ədəbiyyatına yeni hava, insana məhəbbət, zəhmətə yeni münasibət gətirirlər. Ustad aşıqlar aşıqlıq sənətini hər zaman uca tutmuş, ona ləkə gətirmək istəyənlərə qarşı mübarizə aparmışlar.