Arxiv
2024 DOI: 10.36719/AEM/2007-2019/47/65-66
Sahibə Sədnikqızı
AMEA Folklor İnstitutu
ƏZİZAĞA NƏCƏFZADƏNİN “NİZAMİNİN TÜRKLÜYÜ VƏ TÜRKLÜYƏ MÜNASİBƏTİ
AZƏRBAYCAN NİZAMİŞÜNASLIĞINDA” MONOQRAFİYASI HAQQINDA BİR NEÇƏ SÖZ
Nizami Gəncəvi ümumbəşəri mahiyyət daşıyan, ecazkar poetik qüvvəyə malik yaradıcılığı ilə Şərq bədii təfəkkürünü elmi-fəlsəfi fikirlərlə zənginləşdirmiş və şeiriyyəti görünməmiş yüksəkliklərə qaldırmışdır.
Nizami Gəncəvi, nəinki Azərbaycan ədəbiyyatı tarixində, hətta bütün Şərqdə belə yeni bir ədəbi məktəbin əsasını qoymuşdur. Nizamidən sonra yaşamış görkəmli Şərq şairləri əsrlərcə böyük sənətkarın əsərlərindən ilham almış, ondan sənətkarlıq öyrənmiş, onun irəli sürdüyü mütərəqqi fikirləri tərənnüm edib, şairi böyük ustad kimi xatırlamışlar.
Nizaminin ölməz ədəbi irsi təkcə humanizm, insana məhəbbət, yüksək əxlaq, estetik zövq, tərbiyə və bilik mənbəyi, dərin fəlsəfi fikir, hikmət xəzinəsi olmaqla bərabər, həm də canlı tariximizdir. Onun yaradıcılığı Şərq ədəbiyyatına qüvvətli təsir göstərmişdir. Böyük ustada nəzirə yazanlar arasında Şərq ədəbiyyatının məşhur simalarından Əmir Xosrov Dəhləvi, Əlişir Nəvai, Əbdürrəhman Cami, Fəriəddin Əttar kimi farsca yazmış bir çox böyük şair və mistiklər də vardır.
MƏQALƏNİ YÜKLƏ
[121,74 Kb] (yüklənib: 29)
Baxış:
831