Əli Əliyev,

AMİ-nin Ağcabədi filialının

“Ana dili, ədəbiyyat və onların tədrisi metodikası”

kafedrasının müdiri, baş müəllim

Azərbaycanın klassik sənət fədailərindən biri də əbədiyaşar qələm sahibi, görkəmli satirik şair Mirzə Ələkbər Sabir Tahirzadədir. O, 1862-ci ildə Şamaxıda anadan olmuş, 1911-ci İldə isə vəfat etmişdir. Şairin qısa ömür yolu təəssüf yaradır, amma Sabir bu qısa ömür yolunda elə bir iz qoymuşdur ki, bu iz bütün əsrlərdən görünür. “Sabir Azərbaycan ədəbiyyatı tarixində çox böyük xidmətləri olan, şeirimizdə tamam yeni bir dövr açan, milyonların qəlbini oxşayan və fəth edən əsl xalq şairidir... Sabir şeiri həmişə hər yerdə zehni açıq, tərəqqipərvər adamların azadlıq və səadət uğrunda mübarizə yoluna sönməz bir mayaq kimi nur saçır.” [1, s.145]