Respublikamızın ekstremal şəraitini nəzərə alaraq əhalinin ət və süd məhsullarına olan tələbatını ödəmək üçün, genetik resurslardan istifadə olunaraq yeni tip və qrupların yaradılması alim və mütəxəsislər qarşısında duran önəmli məsələdir. 
Azərbaycanda mövcud qaramalın məhsuldarlığını yüksəltmək dözümlü, xəstəliyə tutulmayan, tezyetişgən, təbii–iqlim şəraitli bitki növlərindən səmərəli istifadə edən, uzunömürlü naxırların yaradılması fermer təsərrüfatlarında və heyvandarlıqla məşğul olan mütəxəssislər üçün qarşıda duran ən aktual problemdir. Belə naxırların yaradılması dünya maldarlığında son illərdə hibridləşmə yolu ilə zebu əsasında yaradılmış cins və tiplərə əsaslanır.