Zebu və zebunövlü mal öz möhkəm konstitutsiyası, yüngül və möhkəm sümüyü, bərk dırnağı, qan parazitar xəstəliklərə dözümlülüyü və yemə az tələbkarlığı, mühitə tez uyğunlaşması ilə fərqlənir. 

Yer üzərində zebunun ən çox baş sayına görə yayılma ocağı Asiya və Afrika ölkələridir ki, məhz o mənbədə əsas mənşə hesab olunur. Sonrakı dövrlərdə zebu (hürgüclü mal) tezliklə Latın Amerikası, Kuba, Avstraliya, yeni Zelandiya ölkələrinə çox sürətlə yayılmış və yeni cins və tiplərin yaradılması əsasını qoyaraq avropa mənşəli qaramaldan üstünlük təşkil etmişdir.