J.H.Qənbərli 
Azərbaycan Dillər Universiteti

SERVANTESİN “DON KİXOT” ROMANINDA DON KİXOT VƏ SANÇO PANS OBRAZLARI

Açar sözlər: obraz, cəngavər, qəhrəmanlıq, xeyirxahlıq 
Ключевые слова: образ, рыцарь, героизм ,добратa 
Key words: characher, knight, heroism, kindness

1605-ci ildə Madrid kitabsatanı Fransisko de Robles Servantesin Ağıl dəryası Lamançlı əsilzadə Don Kixot romanının ilk nüsxələrini satmağa başladı. Həmin ilin iyulunda Valensiada Don Kixot romanının birinci hissəsinin artıq beşinci nəşri satılırdı.(1)1607-ci ildə romanın İngiltərə və Brusseldə nəşr edilməsi isə qısa bir müddət ərzində əsərin yalnız İspaniyada deyil, başqa ölkələrdə də böyük şöhrət qazanmasına dəlalət edir.
Roman üzərində işin başlanması tarixini adətən 1600-cü ilə aid edirlər ki, bu vaxt heç də gənc olmayan Servan-tes Sevilya məhbəsində borc cəzası çəkirdi. Don Kixot romanı Avropa tarixinin böyük bir mərhələsinin ensiklopedi-yasını özündə yaşadır.Bu əsərdə dövrün bütün təbəqələrindən olan 669surət iştirak edir. (2)