Açar sözlər:Xalidə Səfərova,Fransa,Paris,impressionizm,obraz,silsilə,rəng
Key words: Khalida Safarova, France, Paris, impressionism, image, series, color
Ключевые слова: Халида Сафарова, Франция, Париж, импрессионизм, имидж, серия, цвет
XX əsrdən etibarən Azərbaycan rəngkarlığında mühüm yer tutan mövzulardan biridə xarici ölkələrə həsr edilən silsilə əsərlərdir.Rəssamlarımızın səyahət etdiyi ölkələrə müraciət etdiyi mövzular təsviri sənət tariximizdə mühüm yer tutur.Həmin bu əsərlərdə rəssamlarımızın öz baxışlarıyla yaratdığı kompozisiyalarda nəinki digər cərəyanların,texnikaların həmçinin öz metod və üsullarınıda əlavə edərək saysız-hesabsız əsərlər yaradıblar.
Öz mədəniyyəti ilə seçilən Fransa daima cərəyanların,üsulların və məşhur rəssamların yaşadığı ölkə olub.Xalidə Səfərova yaradıcılığında Paris mövzusunda yaratdığı silsilə əsərlər mühüm yer tutmaqla bərabər,bir-birindən rəng həllinə görə də fərqlənirlər.”Paris silsiləsi” onun yaradıcılığının son dövrlərini xüsusilə 80-90-cı illəri əhətə edir.Rəssam ruhən impressionist idi.Bu dəst-xətt onun yaradıcılığı boyu izlənilir.Uzun illər həsrəti ilə yaşadığı Fransaya gəlmək rəssamın yaradıcılığında yeniliklər olacağına bir işarə idi.O buranın təbiət mənzərələrini, tarixini,memarlığını və küçələrini öz fırçasıyla tamaşaçılarına çatdırır.