Şikar Məhəmmədəli oğlu Qasımov
Azərbaycan Texniki Universiteti

HEYDƏR ƏLİYEV SİYASƏTİ AZƏRBAYCANIN 
MİLLİ TƏHLÜKƏSİZLİYİNİ TƏMİN ETMİŞDİR

Açar sözlər: Heydər Əliyev, İlham Əliyev, milli təhlükəsizlik, siyasət, Milli Təhlükəsizlik Nazirliyi
Key words: Heydar Aliyev, Ilham Aliyev, national security, politics, the Ministry of National Security
Ключевые слова: Гейдар Алиев, Ильхам Алиев, национальная безопасность, политика, Министерство национальной безопасности

Azərbaycanın milli təhlükəsizlik orqanlarının keçdiyi çətin, eyni zamanda, şərəfli və fədakar yol çox əsrlik tariximizin əlamətdar səhifələrini təşkil edir. Siyasi quruluşdan asılı olmayaraq bütün zamanlarda təhlükəsizlik orqanlarının fəaliyyəti daim gərəkli olmuşdur. Müstəqilliyimizin və dövlətçiliyimizin qorunmasında və möhkəm¬ləndirilməsində müstəsna rol oynamış Azərbaycan milli təhlükəsizlik orqanlarının iştirakı ilə keçirilən belə tədbirlər bu baxımdan yalnız orqanın işçiləri üçün deyil, bütün ictimaiyyətimiz üçün, gənclər üçün də əlamətdardır. Belə ki, təhlükəsizlik sistemi demokratik-hüquqi cəmiyyətin etibarlı sipəridir, xalqın, dövlətin və hər bir fərdin təhlükəsizliyini təmin edir. Müstəqilliyini bərpa etməsindən cəmi iyirmi səkkiz il keçməsinə baxmayaraq, Azərbaycanın təcrübəsi sübut edir ki, milli maraqların qorunması, siyasi, iqtisadi, mədəni və digər sahələrdə təhdidlərin qarşısının qətiyyətlə alınması sabitliyin, vətəndaş həmrəyliyinin və dinamik iqtisadi inkişafın başlıca təminatlarından biridir. Müstəqil¬liyimizlə bərabər böyüyən və inkişaf edən Azərbaycan milli təhlükəsizlik orqanları 100 illik şanlı tarixə malikdir.