Ülkər Rauf qızı Əmirova 
Azərbaycan Dövlət
Mədəniyyət və İncəsənət Universiteti

SƏNƏTŞÜNAS CƏMİLƏ NOVRUZOVA TƏDQİQATLARINDA 
İBRAHİM ZEYNALOV YARADICILIĞI

Açar sözlər: heykəltəraş, incəsənət, İbrahim Zeynalov, Cəmilə Novruzova, sənətşünas.
Key words: sculptor, art, Ibrahim Zeynalov, Jamila Novruzova, art critic
Ключевые слова:скульптор, искусство, Ибрагим Зейналов, Джамиля Новрузова, искусствовед

Azərbaycan incəsənətinin tədqiqi sahəsində fəaliyyət göstərmiş görkəmli simalardan biri sənətşünaslıq doktoru, profeessor Cəmilə Novruzova olmuşdur. XX əsrdə Azərbaycan ərazisində fəaliyyət göstərən heykəltəraş və rəssamların yaradıcılığının öyənilməsi baxımından tədqiqatçı alimin elmi irsi olduqca əhəmiyyətli mənbədir. Cəmilə Novruzovanın yaradıcılığına nəzər saldıqda heykəltəraş İbrahim Zeynalov haqqında qeyd etdiyi dəyərli faktlar böyük maraq doğurur. [1]
Milli heykəltəraşlığımızın simalarından biridə məhz İbrahim Zeynalovdur. 1934-cü ildə Bakıda doğulmuş, Azərbaycanın adını həm vətənimizdə həm də xaricdə tanıdılmasında göstərdiyi xidmətlərə görə Xalq rəssamı adına və Az SSR Dövlət Mükafatları Dövlət Mükafatı laureatı kimi mükafatlara layiq görülmüşdür. Həqiqətən Respublikanın ən qabaqcıl təsviri sənət ustalarından biri olan heykəltəraşın ən yaxşı əsərləri Azərbaycanın monumental heykəltəraşlıq xəzinəsinə daxil olmuşdur. Heykəltəraş həm müasir və həm də qədim keçmişə aid öz həmyerlilərinin gözəl obrazlarını yaratmaqla yaradıcılığını davam etdirir. [2]