Şimali sərhədində "Kuban" və "Kuma" çayları, cənubunda isə Türkiyə və İran yerləşən Qafqazın şərqində Xəzər dənizi qərbində isə Azov dənizi və Qara dəniz yerləşməkdədir (1, s.1).

Qafqaz tarixən ən qədim xalqların yaşadığı və qədim sivilizasiyaların formalaşdığı Anadolu yaylası, İran yaylası, Ural dağları ilə həmsərhəddir.

Ərəb səyyahlarının “dillər dağı” olaraq adlandırdığı Qafqaz iki regiona bölünür: Şimali və Cənubi Qafqaz. Şimali Qafqaz bölgəsi yüksək dağlarla, Cənubi Qafqaz isə əsasən düzənliklərlə əhatə olunmuşdur. Qafqaz arxası , Zaqafqaziya, Maveray Qafqaz, Qafqaz ardı kimi tanınan Cənubi Qafqaz kiçik Qafqaz dağları ilə əhatələnmiş, təsərüfat üçün əlverişli olan bir yerdə yerləşir. (2, s. 9 ).