Hər bir ölkə üçün təbii ehtiyatlar və enerji resursları böyük əhəmiyyətə malikdir. Bu qaynaqlar iqtisadi istehsal üçün lazımi vəsaiti təmin edir və maliyyənin gəlir mənbəyi kimi çıxış edir. Ancaq bu qaynaqlar iqtisadi problemlərlə bərabər eləcə də siyasi, təhlükəsizlik və ekoloji məsələlərə təsir edə bilir. Bundan əlavə, bu təsirin əhatəsi yalnız daxili problemlərlə məhdudlaşmır, həm də beynəlxalq münasibətlərə təsir edir. Bu məsələyə daha ətraflı baxsaq, təbii qaynaqların beynəlxalq əlaqələrin gedişatına hələ uzun müddət yön verəcəyi daha aydın görünür.