Açar sözlər: təhsil sistemi, ibtidai təhsil, metodika, riyaziyyat
Key words: education system, elementary school, methodology, mathematics
Ключевые слова: система образования, начальная школа, методика, математика
Təhsil sahəsindəki islahatlar yeni təhsil sisteminə keçidin əsasını qoydu. Yeni təlim sistemi müəllim hazırlığının yeni standartlarını müəyyən etdi. Hər bir yenilik kimi bu sistemin də tərəfdarları və əleyhdarları oldu.
Yeni təhsil sistemini qiymətləndirmək üçün əvvəlcə digər ölkələrin təhsil sistemini araşdırmaq qərarına gəldim. Mən yalnız ibtidai siniflərdə riyaziyyatın tədrisi barədə yazacam. ABŞ-da ibtidai siniflərdə riyaziyyatın tədrisi ilə maraqlandım. Amerika tədris sitemində vahid standartlar yoxdur. Məktəbləri əsasən dövlət maliyyələşdirirsə də hər ştatın təhsil şurası öz məktəbləri üçün tədris planı hazırlayır. Tədris planı məktəblərdə müəllimlər tərəfindən dəqiqləşdirilir. Amerika tədris sistemi aşağıdakı mərhələlərdən ibarətdir:
• 3-5 yaşlı uşaqlar- məktəbəqədər müəssisə
• 6-11 yaş- ibtidai məktəb (1-5 siniflər)
• 11-13 yaş -orta məktəb (6-8 siniflər)
• 14-17 yaş -ali məktəb (9-12 siniflər)
• Ali təhsil müəssisələri.