https://doi.org/10.36719/2663-4619/109/142-149
Səltənət Veysova
H. Əliyev adına Hərbi İnstitut
fizika-riyaziyyat elmləri namizədi
Adi diferensial tənliklərin pikar üsulu ilə həllində xətaların
qiymətləndirilməsi
Xülasə
Məqalədə adi diferensial tənliklərin Pikar üsulu ilə həllin qurulması metodunun nəzəri əsasları göstərilmiş, istinad olunan teorem və təkliflərin fərqli təribatı verilmiş və uyğun isbat mexanizmi öz əksini tapmışdır. Diferensial tənliklərin həllində ardıcıl yaxınlaşmaların verilmiş çoxluqda müntəzəm olaraq hər hansı bir funksiyaya yığılması tədqiq olunmuş və bu yaxınlaşma zamanı uyğun limitin inteqral tənliyin həlli olması göstərilmişdir. Tədqiqat zamanı həmçinin müntəzəm yığılan bütün yaxınlaşmaların müəyyən düzbucaqlının daxilində yerləşməsi və klassik nəzəriyyəyə əsasən tənliyin həllinin yalnız məhdud oblastın daxilindən kənara çıxmadığı faktı izah olunmuşdur.
Açar sözlər: pikar yaxınlaşması, həllin varlığı və yeganəliyi, lipşits şərti, inteqral tənlik, ardıcıl yaxınlaşma, müntəzəm yığılma