https://doi.org/10.36719/2663-4619/109/71-78
Rəhimə Sadiqova
Naxçıvan Dövlət Universiteti
Qasım Tağıyev
Naxçıvan Dövlət Universiteti
Bayes düsturunun innovativ sahibkarlara açdığı yol
Xülasə
Məqalə ehtimallar nəzəriyyəsinin bir qolu olan Bayes teoreminin iqtisadiyyatın müxtəlif sahələrində praktiki tətbiqindən bəhs edir. Bu gün iqtisadiyyat dünyada və ölkəmizdə ən vacib və aktual mövzulardan biridir. Bu gün iqtisadiyyat daim dəyişir. Eyni zamanda hər gün yüzlərlə ideya ortaya çıxır və insanlar bu ideyaları həyata keçirmək istəyirlər. Bəs bu ideyaların hər biri uğurludurmu? Xeyr. Məhz bu məqalədə Bayes teoremi bazara girmək istəyən ideyaların və insanların nə qədər uğurlu olacağını müəyyən etmək üçün praktiki yol təqdim edir. İnsanların ideyalarının və istehsal etmək istədikləri məhsulların uğuru Bayes teoreminin düsturu ilə ölçülür. Bundan başqa, məqalədə şirkətin gələcəyi, investisiyaları, o cümlədən şirkətin səhmlərinin artıb-artmayacağına dair proqnozlar praktiki şəkildə tətbiq edilir.
Açar sözlər: Bayes düsturu, sahibkar, risk, bazar təhlili, iqtisadiyyat, məhsul, ehtimal