Arxiv
ELMİ İŞ - 2025
Bahar Faiq qızı Kərimova
Bakı Slavyan Universiteti
NİTQ SİTUASİYALARINDA BAĞLAYICILARIN FUNKSİONALLIĞI
Açar sözlər: bağlayıcı, tabelilik bağlayıcısı, tabesizlik bağlayıcısı, budaq cümlə, funksional xüsusiyyətlər
Key words: conjunction, subordinating conjunctions, coordinating conjunctions, functional features
Ключевые слова: союз, подчинительные союзы, сочинительные союзы, придаточное предложение, функциональные свойства
Giriş
Elmi qrammatikanın, xüsusən də, morfologiyanın əsaslı şəkildə öyrənilməsi istiqamətində köməkçi nitq hissələrinin tədqiqi ən vacib məsələlərdən biridir. Azərbaycan dərsliklərində köməkçi nitq hissələri tədqiqat obyekti kimi sırf qrammatik aspektdə araşdırılmış, bir sıra mübahisəli məsələlər öz həllini tapmış, onların dilin qrammatik quruluşundakı yeri müəyyənləşdirilmişdir. Lakin bu dil vahidlərinin kommunikativ dil situasiyasında mövqeyi, dilçiliyimizdə demək olar ki, tədqiq olunmamışdır.
Funksional qrammatikada söhbət nitq prosesi ilə bağlı dil vahidlərinin ixtiyarında olan potensial imkanlardan, onların mənalarından, funksional qrammatikanın əsasını təşkil edən qrammatik elementlərdən, bu dil elementlərinin nitq şəraitində müəyyən məna rəngarəngliyinin müəyyənləşdirilməsindən gedir. Burada müəyyən bir fikrin ifadəsində dil sistemində mövcud olan qrammatik qanunauyğunluqlar və qrammatik dil vahidlərinin dilin müxtəlif mərhələlərində əlaqələnməsi ilə bağlıdır. Bu cəhət dil sistemini nitq sistemi ilə paradiqmatika ilə sintaqmatikanı bir-biri ilə əlaqələndirir.
Baxış: 1041