DOI: https://www.doi.org/10.36719/2663-4619/72/12-18

Bakı Dövlət Universiteti

hüquq üzrə fəlsəfə doktoru

 alasgarova.gulnaz@gmail.com

İfadə azadlığı dayanıqlı demokratiyanın təməl sütunlarından və şərtlərindən biri olaraq digər hüquq və azadlıqların müdafiəsini və tətbiqini gücləndirir, habelə cəmiyyətin fasiləsiz və davamlı inkişafı üçün möhkəm zəmin yaradır. Bununla belə, ifadə azadlığı mütləq hüquq deyil və məhdudiyyətlərin tam siyahısı bir çox yurisdiksiyalar tərəfindən müəyyən edilir, başqalarının reputasiyasının qorunması və diffamasiya bunlardan biridir. Hazırkı məqalədə bir sıra yurisdiksiya çərçivəsində defamativ ifadələrin söz azadlığı çərçivəsində necə tənzimləndiyinə nəzər salınacaqdır. Bununla yanaşı, hansı defamativ ifadələrin söz azadlığı çərçivəsində qorunmasına yol verildiyi təhlil olunacaqdır. Bu sahədə barəsində defamativ ifadələr yazılan şəxslərin statusunun (adi şəxs və ya siyasətçi olmaları) və defamativ ifadələri istifadə edən şəxslərin statusunun (jurnalist, KİV nümayəndələri) ifadənin söz azadlığı çərçivəsində müdafiəsinə hansı dərəcədə təsir etmələri ilə bağlı məsələ də müzakirə olunacaq.