Sumqayıt Dövlət Universiteti

Müasir dünyada hər hansı bir ölkənin gələcək inkişafı onun təbii sərvətlərinin zənginliyi ilə deyil, təhsilin səviyyəsi ilə müəyyən olunur. Daha doğrusu iqtisadi mühitə uyğunlaşmağı tələb edən dünya iqtisadiy¬yatındakı dəyişikliklər Azərbaycanda təhsilin keyfiyyəti problemini önə çıxartdı. İntellektual insan müasir dövrdə ən mühüm vasitəyə çevrildi. Azərbaycanda təhsil islahatlarının uğurla həyata keçirilməsi ölkədə ge¬dən geniş miqyaslı sosial – iqtisadi dəyişikliklərlə şərtlənir. Ulu öndər Heydər Əliyevin təhsilin gələcək inkişaf perspektivləri ilə bağlı irəli sürdüyü konsepsiyanın təməl prinsiplərini təşkil etməklə yanaşı, “Azərbaycan dövləti qarşısında öz məsuliyyətini dərk edən, xalqının milli ənənələrinə və demokratiya prinsiplərinə, insan hüquqları və azadlıqlarına hörmət edən, vətənpərvərlik və azərbaycançılıq ideyalarına sadiq olan, müstəqil və yaradıcı düşünən vətəndaş və şəxsiyyət yetişdirməyi, milli-mənəvi və ümumbəşəri dəyərləri qoruyub inkişaf etdirən, geniş dünyagörüşünə malik olan, təşəbbüsləri və yenilikləri qiymət¬ləndirməyi bacaran, nəzəri və praktiki biliklərə yiyələnən, müasir təfəkkürü və rəqabət qabiliyyətli mütə¬xəssis – kadrlar hazırlamağı, sistemləşdirilmiş bilik, bacarıq və vərdişlərin mənimsənilməsi və ixtisa¬sının daim artırılmasını təmin etmək, təhsil alanları ictimai həyata və səmərəli əmək fəaliyyətinə hazırlamağı tələb edir. Azərbay¬canın təhsil quruculuğu sahəsində qazandığı nailiyyətlər Ulu öndər Heydər Əliyev tərəfindən müəyyənləşdirilən ardıcıl və davamlı təhsil siyasətinin nəticəsi kimi meydana çıxmışdır”.