O‘zbekiston Fanlar Akademiyasi O‘zbek tili

Adabiyoti va Folklori Instituti 

O‘zbek va ozarbayjon xalqlari ildizlari, tarixi, madaniyatlari bir xalqlardir. Necha asrlarki bu ikki xalqning adabiy va madaniy aloqalari davom etib kelmoqda. Ozarbayjon, deganda avvalo o‘zbek xalqi ko‘z o‘ngida Nizomiy Ganjaviy gavdalanadi-yu Fuzuliy g‘azallari quloqqa chalinadi. Bu qadim va betakror adabiyotning vorislari ijodi bugun ham ikkala xalqni bevosita bog‘lab turibdi. Xalqlarimiz ko‘p asrlardan buyon do‘stu qardosh bo‘lib yashab keladi. Ayniqsa, ikki davlat mustaqillikka erishganidan keyin hamkorlik yangi bosqichga ko‘tarildi. Adabiyot va san’at esa asrlar mobaynida xalqlarimiz o‘rtasida ma’naviy ko‘prik bo‘lib kelgan. O‘zbek kitobxoni bugun ozar adabiyotida dunyoga kelayotgan har bir asardan, u xoh she’riy xoh nasriy bo‘lsin xabardor. Adabiyotlarning bu qadar yaqin va mushtarakligida adabiyotshunoslikning o‘rni beqiyosdir. Ozarbayjon-o‘zbek adabiyotshunosligi borasida bir qator ilmiy tadqiqotlar yaratilgan bo‘lsada, aynan bu mavzuda monografik tadqiqotlar sanoqli.   Ozarbayjon farzandi, tom ma’noda ozarbayjon-o‘zbek adabiy aloqalari borasida ilmiy izlanishlarni boshlab bergan filologiya fanlari nomzodi G‘ulomhusayn Alievning “Ozarbayjon – O‘zbek adabiy aloqalari (1920-1960-yillar)”nomli tadqiqoti bu yo‘nalishdagi yirik monografik tadqiqotlardan biridir. Bu tadqiqot qadim o‘zbek va Ozarbayjon adabiyotlarining o‘zaro tadqiqi va tahliliga bag‘ishlangan. G‘ulomhusayn Alievning “bu tadqiqoti har ikki mamlakat olimlari tomonidan e’tirof etilgan.