AMEA Naxçıvan bölməsi

Azərbaycanın ayrılmaz tərkib hissəsi olan Naxçıvan ərazisi qədim tarixə malikdir. Yerləşdiyi təbii-coğrafi mövqeyinə görə daima miqrasiyaların kəsişdiyi məskənlərdən biri olmuşdur. Buna görə də Anadolu və Naxçıvanın qədim tarixdən mədəni əlaqələri mövcuddur. Bu ən çox qəbir abidələrində özünü göstərmişdir. Anadoluda Çayönü və Naxçıvanda I Kültəpə yaşayış yerində qədim dəfnetmə adətlərinin oxşar və fərqli xüsuesiyyətləri vardır. Ölülərin evlərin altında və ya arasında dəfn edilmələri, yanlarına əşyalar qoyulması oxşar cəhətlərdəndir. Anadoluda ölü yandırma adətinə isə Naxçıvanda rast gəlinməmişdir.