Açar sözlər: portret , qadın, kolorit ,müstəqillik, müasir, milli
Key words: portrait, woman, coloring, independence, modern,national
Ключевые слова: портрет,женщина,раскраска,независимость,современный, традиция
Müstəqillik qazandıqdan sonra Sovet ideologiyasından azad olmuş Azərbaycan incəsənəti yeni irəliləyiş yoluna qədəm qoyur.Əvvəlki dövrlərdə olduğu kimi bəhs etdiyimiz dövrdə yaradılan portretlərdə də qadın obrazları aparıcı yer tutmaqda davam edirdi.Rəssamlarımız ailə üzvlərinin,dostlarının həmçinin ictimai həyatın hər bir sahəsində fəaliyyət göstərən xanımların da obrazlarını portret qaleriyalarına daxil edilirdilər.
Müasir rəngkarlığımızın görkəmli nümayəndələrindən olan Altay Sadıqzadənin maraqlı işlərindən biri "Axşam" (1993) əsəridir. Burada günəşin istisindən əldən düşmüş şlyapalı qadın günün günbatan çağında ağacın yarpaqları arasında əlində böyük tut yarpağı ilə təsvir olunub. Primitiv və lakonik təsvir üslubuna baxmayaraq portretdə insanın istirahət dəqiqələrində ətraf aləmə olan etinasızlığı, laqeydliyi ,sakitlik və rahatlıq halı olduqca dəqiq əks olunub.