https://doi.org/10.36719/2663-4619/109/98-103
Mədinə Əliyeva
Odlar Yurdu Universiteti
magistrant
Tədrisdə yeni texnologiyalardan istifadə qaydaları və üstünlükləri
Xülasə
Müasir dünya hər sahədə olduğu kimi, təhsil texnologiyaları sahəsində də bir çox innovativ inkişafı tələb edir. Çünki təhsil sistemləri sosial həyatın əsasını təşkil edir. Təhsil prosesində olan fərdlər, yaşadıqları cəmiyyətin inkişafı ilə ayaqlaşa bilmək üçün, müasir təhsil texnologiyalarından yararlanmalıdırlar. Çağımızın ən əsas təhsil texnologiyası materialları kompüterlər və internet imkanlarıdır. Hər bir təhsil prosesinə geniş üfüqlər təqdim edən bu texnoloji imkanlar təhsil üçün də bir çox üstünlükləri özü ilə gətirir. Texnologiyadan səmərəli istifadə edən hər bir kəs, öyrənmə təcrübəsini əhəmiyyətli dərəcədə artıra, təhsil resurslarına çıxışı yaxşılaşdıra, əməkdaşlığı asanlaşdıra və müxtəlif öyrənmə üslublarına sahib ola bilər.
Son olaraq, təhsil texnologiyaları, ictimai və iqtisadi inkişafı dəstəkləyən, səviyyəli və stabil bir öyrənmə mühitinin yaranmasına kömək edir. Bu, daha güclü, çağdaş və rəqabətə açıq bir cəmiyyətin formalaşmasına imkan yaradır.
Açar sözlər: təhsil, texnologiya, İT, informasiya, inkişaf