Açar sözlər: Məktəbəqədər təhsil, estetik tərbiyə, şəxsiyyət, bacarıq və qabiliyyətlər
Key words: Preschool education, aesthetic education, personality, kill and abilities
Ключевые слова: Дошкольное образование, эстетическое воспитание, личность, умения и способности
Müasir dövr məktəbəqədər təhsilin qarşısında mühüm vəzifələr qoymuşdur. Kiçik yaşlardan başlayaraq uşaqların şəxsiyyət kimi formalaşması üçün müəyyən bacarıqlar aşılanmalıdır. Bu bacarıqlar onların cəmiyyətdə sosiallaşmasına, vətəndaş kimi yetişməsində böyük rol oynayır. Eyni zamanda şəxsiyyətin formalaşmasında estetik tərbiyənin rolu xeyli artmışdır.
Estetik tərbiyə dedikdə, incəsənət və həyatdakı gözəlliklərin qavranmasına, estetik zövq və qabiliyyətlərin inkişafına yönələn təsirlərin məcmusu nəzərdə tutulur.
Məktəbəqədər təhsil müəssisələrində estetik tərbiyə çox böyük əhəmiyyət kəsb edir. Estetik tərbiyə uşaq bağçasında daha sistemli xarakter daşıyır. Uşaqlarla estetik məzmunlu məşğələlər – təbiətlə və ətraf aləmlə tanışlıq, musiqi, rəsm, gil, applikasiya, quraşdırma işləri, əmək məşğələləri aparılır, musiqi – didaktik oyunlar keçirilir, bayram və əyləncələr yüksək estetik formada təşkil edilir.