DOI: https://doi.org/10.36719/2706-6185/59/163-167
Nəzrin Məmmədova
Bakı Slavyan Universiteti
magistrant
https://orcid.org/0009-0009-3075-902X
memmedovahnezrin@gmail.com
3–4-cü sinif şagirdləri üçün təlimdə dəstəkləyici mühitin
əsasları və tətbiqi modelləri
Xülasə
Bu məqalədə 3–4-cü sinif şagirdləri üçün təlimdə dəstəkləyici mühitin nəzəri əsasları və tətbiqi modelləri sistemli şəkildə təhlil olunur. Müasir pedaqoji yanaşmalar çərçivəsində konstruktivist, humanist və inklüziv təlim prinsiplərinə əsaslanaraq, şagirdlərin akademik nailiyyətləri ilə yanaşı, onların sosial-emosional inkişafını dəstəkləyən mühitin formalaşdırılması zərurəti əsaslandırılır. Məqalədə dəstəkləyici mühitin əsas komponentləri – fiziki, psixoloji, sosial və pedaqoji aspektlər – konseptual baxımdan izah edilir və onların qarşılıqlı təsiri vurğulanır.
Tədqiqatda həmçinin, kooperativ öyrənmə, sosial-emosional öyrənmə (SEL), diferensial təlim və layihə əsaslı öyrənmə kimi tətbiqi modellərin 3–4-cü siniflərdə istifadəsi təhlil olunur. Bu modellərin Azərbaycan təhsil sistemində tətbiq imkanları və mövcud kurikulum çərçivəsindəki rolu konkret nümunələr və metodik sənədlər əsasında araşdırılır. Müəllimin dəstəkləyici mühitin qurulmasındakı rolu, peşəkar hazırlığı və reflektiv pedaqoji bacarıqları xüsusi vurğulanır. Məqalənin sonunda praktik tövsiyələr irəli sürülür və bu mühitin şagirdlərin təlimə motivasiyası, özünəinamı və sosial uyğunlaşmasına təsiri ümumiləşdirilir.
Açar sözlər: dəstəkləyici mühit, ibtidai təhsil, konstruktivist yanaşma, sosial-emosional öyrənmə, diferensial təlim