DOI: https://doi.org/10.36719/2663-4619/123/93-96
Röya Nəsibova
Bakı Dövlət Universiteti
https://orcid.org/0009-0002-8047-5139
royanesibova@gmail.com
AİZ-lərin beynəlxalq iqtisadi sistemə inteqrasiyasının
sürətləndirilməsi və artırılması istiqamətləri
Xülasə
Azad İqtisadi Zonaların (AİZ-lərin) beynəlxalq iqtisadi sistemə inteqrasiyasının sürətləndirilməsi və artırılması, milli iqtisadiyyatların rəqabət qabiliyyətinin yüksəldilməsi, xarici investisiyaların cəlbi və innovativ inkişafın təşviqi baxımından mühüm əhəmiyyət kəsb edir. AİZ-lər xarici iqtisadi əlaqələrin genişləndirilməsi üçün platforma rolunu oynamaqla yanaşı, istehsalın modernləşdirilməsi, texnoloji transfer və ixracyönümlü sənayelərin inkişafı kimi prosesləri dəstəkləyir.
Bu inteqrasiya prosesinin effektiv həyata keçirilməsi üçün beynəlxalq ticarət şəbəkələrinə qoşulma, gömrük və vergi güzəştlərinin optimallaşdırılması, logistika və nəqliyyat infrastrukturunun təkmilləşdirilməsi, rəqəmsal ticarət imkanlarının genişləndirilməsi və hüquqi-normativ bazanın beynəlxalq standartlara uyğunlaşdırılması əsas istiqamətlər kimi çıxış edir.
Eyni zamanda, regional və qlobal təşkilatlarla əməkdaşlığın gücləndirilməsi, insan kapitalının inkişaf etdirilməsi və innovativ ekosistemlərin yaradılması AİZ-lərin dünya iqtisadiyyatına effektiv inteqrasiyasını təmin edə bilər. Bu yanaşmalar, AİZ-lərin iqtisadi artım, texnoloji tərəqqi və dayanıqlı inkişaf məqsədlərinə daha sürətli və effektiv şəkildə çatmasına şərait yaradır.
Açar sözlər: ticarət, beynəlxalq, iqtisadi, baza, standart