https://doi.org/10.36719/2706-6185/43/111-114
Aygün Verdiyeva
Xəzər Universiteti
https://orcid.org/0009-0005-1166-2012
averdiyeva@khazar.org
Ali təhsil müəssisələrində tələbə nailiyyətlərinin qiymətləndirilməsinin
əsas prinsipləri
Xülasə
Azərbaycan Respublikası müstəqillik qazandıqdan sonra ictimai münasibətlərin dəyişməsi, planlı iqtisadiyyatdan bazar iqtisadiyyatına keçid, elmi-texniki tərəqqi, Avropa təhsil sisteminə inteqrasiya təhsilin məzmununun yenilənməsi təhsil sistemində islahatların keçirilməsinə zəmin yaratdı. Ulu öndər Heydər Əliyevin təşəbbüsü ilə imzalanmış “Təhsil sahəsində İslahat proqramı”, təhsilin humanistləşdirilməsi, humanitarlaşdırılması, demokratikləşdirilməsi, diferensiallaşdırılması və inteqrasiyası kimi prinsiplərinə əsaslanır. Bu prinsiplər isə milli zəminə, bəşəri dəyərlərə əsaslanan dünyəvi təhsil sisteminin yaradılmasını və təhsil alanın şəxsiyyət kimi formalaşması üçün onun təlim-tərbiyə prosesinin bərabərhüquqlu subyektinə çevrilməsini mühüm bir vəzifə kimi qarşıya qoyur. Məqalədə ali təhsil müəssisələrində tələbə nailiyyətlərinin qiymətləndirilməsinin əsas prinsipləri araşdırılaraq təhlil predmetinə çevrilir.
Açar sözlər: qiymətləndirmə, ali məktəb, təhsilalan, təhsilin humanistləşdirilməsi, təhsil proqramı