DOI: https://doi.org/10.36719/2663-4619/119/69-73
Elnarə Muradova
Azərbaycan Dövlət Pedaqoji Universiteti
https://orcid.org/0009-0002-9955-0266
elnaramuradova@rambler.ru
Aqrosenozda alma meyvəyeyəninin (Laspeyresia pomonella L.)
populyasiyasının müasir vəziyyəti
Xülasə
Məqalədə 2023–2024-cü illərdə Quba ərazisində yerləşən fermer təsərrüfatlarında tədqiq edilmiş alma meyvəyeyəninin yayılması, bioekoloji xüsusiyyətləri və populyasiyanın ekoloji göstəriciləri haqqında məlumat verilir. Zərərvericilərin müxtəlif nəsillərinin inkişafı dövründə marşrut üsullarla təsərrüfatlarda ağaclara baxılmış, yoluxma dərəcəsi müəyyənləşdirilmişdir. Meyvəyeyənin bioloji xüsusiyyətləri açıq sahə ilə yanaşı, xüsusi entomoloji bağçalarda (həmin mühitdə süni bağçalarda) bəslənilən fərdlər üzərində də dəqiqləşdirilmişdir.
Ağac gövdələrinə bağlanmış qurşaqlar (kəmərlər) vasitəsilə puplaşmanın başlanğıcı və sonu, puplaşma dinamikası və kütləvi puplaşma dövrü müəyyən edilmişdir.
Ayrı-ayrı nəsillərin inkişafında üst-üstə düşən tırtıl fazalarının başlama və sona çatma müddətləri tırtılların inkişaf dinamikası əsasında müəyyənləşdirilmişdir. Kəpənəklərin məhsuldarlığı, ayrı-ayrı inkişaf mərhələlərinin davametmə müddətləri entomologiyada qəbul olunmuş metodlar əsasında həyata keçirilmişdir.
Açar sözlər: kənd təsərrüfatı, zərərvericilər, alma meyvəyeyəni, pestisid, region