DOI: https://doi.org/10.36719/2663-4619/118/182-184
Bənövşə Əkbərova (Hüseynova)
Odlar Yurdu Universiteti
magistrant
https://orcid.org/0009-0001-6448-293X
benovsehuseynova93@gmail.com
Azərbaycan Respublikasında kibertəhlükəsizliyin normativ bazası
Xülasə
Azərbaycan Respublikasında kibertəhlükəsizlik sahəsində normativ-hüquqi baza ölkənin informasiya təhlükəsizliyini təmin etmək, kibertəhdidlərə qarşı mübarizəni gücləndirmək və dövlət, özəl sektor, vətəndaş cəmiyyəti subyektlərinin qarşılıqlı fəaliyyətini tənzimləmək məqsədilə formalaşdırılmışdır. Bu baza informasiya texnologiyalarının sürətli inkişafı və rəqəmsallaşma prosesinin genişlənməsi fonunda müasir çağırışlara cavab vermək məqsədi daşıyır.
Əsas hüquqi sənədlər arasında Azərbaycan Respublikasının Konstitusiyası, “İnformasiya, informasiyalaşdırma və informasiya mühafizəsi haqqında” Qanun (1998), “Elektron imza və elektron sənəd haqqında” Qanun (2004), “Kibertəhlükəsizlik haqqında” Qanun layihəsi (hazırlıq mərhələsində və ictimai müzakirələrdə), Milli Təhlükəsizlik Konsepsiyası (2007) və “2022–2025-ci illər üzrə Rəqəmsal Transformasiya Strategiyası” xüsusi rol oynayır. Bu sənədlər ölkədə kibermühitin qorunması, informasiya sistemlərinin müdafiəsi və kritik infrastrukturun təhlükəsizliyi sahəsində hüquqi əsaslar yaradır.
Eyni zamanda, Xüsusi Rabitə və İnformasiya Təhlükəsizliyi Dövlət Xidməti, Elektron Hökumətin İnkişafı Mərkəzi, CERT-AZ (Azərbaycanın Kompüter İnsidentlərinə Qarşı Mübarizə Mərkəzi) kimi institutlar bu normativ çərçivənin tətbiqini və icrasını həyata keçirən əsas orqanlar kimi fəaliyyət göstərirlər.
Açar sözlər: kibertəhlükəsizlik, normativ-hüquqi baza, informasiya təhlükəsizliyi, kibermühit, elektron hökumət