DOI: https://doi.org/10.36719/2706-6185/49/7-16
Xəzər Hüseynov
Naxçıvan Dövlət Universiteti
tarix elmləri doktoru
https://orcid.org/0009-0009-9396-1903
xezerhuseynov@gmail.com
Elçin Zamanlı
Naxçıvan Dövlət Universiteti
tarix üzrə fəlsəfə doktoru
https://orcid.org/0009-0005-9766-1810
elcinzamanli70@gmail.com
Azərbaycan, Rusiya və Türkiyə diplomatiyasında Naxçıvan
Xülasə
1920-1921-ci illərdə beynəlxalq durum ağır olmasına baxmayaraq, Osmanlı Türkiyəsi Azərbaycanın, xüsusilə də Naxçıvanın tarixi taleyinə biganə qalmadı. I Dünya müharibəsindən sonra bütün Transqafqaz millətlərinin azadlıq yönündəki dirəniş cəhdlərini öz siyasi iradələrinə tabe etdirməyə və türk-müsəlmanların ən etibarlı tərəfdaşı olan Türkiyəni Cənubi Qafqaza, Orta Asiya və ümumiyyətlə, türk dünyasına yönəlik ən əlverişli yoldan məhrum etmək üçün Müttəfiqlər Naxçıvan və çevrəsinin ermənilər tərəfindən tezliklə zəbtinə çalışırdılar. Rusiya və İranın bu siyasi burulğanda Azərbaycana güzəştə gedəcəyinə inanmaq sadəlövlük olardı. Yeri gəlmişkən, İran da öz növbəsində Naxçıvanı ələ keçirməyə meylli idi. Belə kövrək bir zamanda İran agentləri çətin psixoloji durumda olan əhalini İrana meylləndirməyə çalışırdılar. Bu durumda Naxçıvan böyük dövlətlərin Azərbaycan və Türkiyə ilə diplomatik münasibətləri müstəvisində düyün nöqtəsinə çevrilmişdi. 20-ci illərin əvvəllərində Naxçıvan Türkiyə-Sovet münasibətləri müstəvisinə keçdi.
Açar sözlər: Türkiyə, Rusiya, Naxçıvan, diplomatiya, bolşeviklər