DOI: https://doi.org/10.36719/2663-4619/117/37-43
Arifə Nəbiyeva
Bakı Dövlət Universiteti
Magistrant
https://orcid.org/0009-0007-8407-1576
aarifajafan@icloud.com
Azərbaycanda şirkətlər vasitəsində koperatif
sosial məsuliyyətin təhlili
Xülasə
Sosial məsuliyyət cəmiyyətin inkişafına və cəmiyyətə qarşı həssaslığın formalaşmasına yönəlmiş davamlı inkişafın mövcudluğunu təmin edən bir anlayış kimi meydana çıxır. Cəmiyyətdə yaşayan hər bir fərdin cəmiyyət qarşısında vəzifələri olduğu kimi, cəmiyyətdə mövcud olan və davam edən hər bir qurumun da cəmiyyət qarşısında vəzifələri vardır. Müəssisələrin ətraf mühit, təhsil, səhiyyə, mədəniyyət və incəsənət sahələrində yaşadıqları cəmiyyətin problemləri ilə məşğul olmaq üçün həyata keçirdikləri bütün təcrübələr sosial məsuliyyət anlayışının konkret şəkildə həyata keçirilməsini və problemlərə həll yollarını tapmasını təmin edir. Eyni zamanda, korporativ sosial məsuliyyət anlayışı qurumların qloballaşan dünyada və rəqabət mühitində dayanıb rəqabət aparmalarını təmin etmək, qurumların yaratdığı brendləri bazarda tanıtmaq, brendin istehlakçılar və bütün digər maraqlı tərəflər tərəfindən tanınmasını təmin etmək üçün zəruri hesab edilir. Yuxarıda qeyd olunan nüansları təhlil etmək üçün nəzərdən keçirdiyimiz tədqiqat işinə SPSS proqramından istifadə edən Azərbaycan şirkətlərinin təhlili daxil edilmişdir.
Açar sözlər: sosial məsuliyyət, korperativ analiz, SPSS, metodologiya təhlili, sosial məsuliyyətin zəruriliyi