https://doi.org/10.36719/2706-6185/45/36-42
Eldar Cəfərov
Bakı Dövlət Universiteti
siyasi elmlər üzrə fəlsəfə doktoru
https://orcid.org/0000-0001-8563-697X
eldarjafarov@bsu.edu.az
Şahin Əsgərzadə
Bakı Dövlət Universiteti
magistrant
https://orcid.org/0009-0009-2576-844X
sahinaskerzade@gmail.com
Azərbaycanın Balkan dövlətləri ilə əlaqələri: strateji əməkdaşlıq və
inkişaf perspektivləri
Xülasə
Azərbaycan, mövqeyi və geopolitik əhəmiyyəti ilə beynəlxalq əlaqələrdə mühüm rol oynayan bir ölkədir. Bu xüsusiyyət, onun Balkan dövlətləri ilə olan əlaqələrində də özünü göstərir. Balkan ya-rımadası, mədəni müxtəliflik və tarixi zənginliklərlə dolu bir region olaraq, Azərbaycan üçün strateji əhəmiyyət kəsb edir. Azərbaycan, Balkan ölkələri ilə əlaqələrini müxtəlif sahələrdə inkişaf etdirir və bu əlaqələr hər iki tərəfin faydasına xidmət edir. Bu məqalə, Azərbaycanın Balkan dövlətləri ilə olan əlaqələrinin müxtəlif sahələrdəki inkişafını araşdıracaq, xüsusilə enerji, iqtisadiyyat, mədəniyyət və təhlükəsizlik sahələrindəki əməkdaşlığını vurğulamaq məqsədi güdür. Balkan regionunun enerjiyə olan ehtiyacı və Azərbaycanın bu ehtiyacı qarşılamaq üzrə potensialı, iki tərəf arasında mühüm əlaqələr yaratmışdır. Eyni zamanda, ticarət və mədəniyyət sahəsində də əməkdaşlıq daha da güclənir. Bu məqalədə həmçinin Monteneqro və Serbiya ilə olan ikitərəfli əlaqələr də ətraflı şəkildə incələnəcəkdir.
Açar sözlər: diplomatik əlaqələr, enerji əməkdaşlığı, mədəniyyət mübadiləsi, təhlükəsizlik və sabitlik, regional inkişaf