DOI: https://doi.org/10.36719/2663-4619/114/250-255
Cahan Əhmədova
Azərbaycan Dövlət Neft və Sənaye Universiteti
texnika üzrə fəlsəfə doktoru
https://orcid.org/0000-0003-4113-9351
ahmedova_cahan1975@mail.ru
Aydın Əhmədov
Azərbaycan Dövlət Neft və Sənaye Universiteti
magistrant
https://orcid.org/0009-0004-4710-5413
akhmedoff.aydin@mail.ru
Dəniz suyunun termiki distillə texnologiyasında yanma məhsullarının
tullantı istiliyindən istifadə etməklə ekoloji zərərin azaldılması
Xülasə
Təqdim olunan məqalədə elektrik stansiyalarının ikinci enerji ehtiyatları hesabına Xəzər dənizi suyunun termiki şirinləşdirilməsi prosesinin hesablama modeli verilmişdir. Termiki şirinləşdirmə ani qaynama buxarlandırıcılarına əsaslanır. Əsas məqsəd tullantı istilikdən istifadə etməklə şirinləşdirmə texnologiyasının xərclərini və atmosferdə istixana effekti yaradan qazların emissiyasını azaltmaqdır. Burada Səngəçal dizel elektrik stansiyasının modullarının tullantı istiliyindən istifadə etmək nəzərdə tutulmuşdur. Termiki distillə prosesinin müxtəlif növləri təhlil olunmuşdur. Çoxpilləli resirkulyasiya növlü buxarlandırıcıların səmərəli olduğu aşkar edilmişdir. Hesablama-analitik tədqiqatlar çoxpilləli ani qaynama qurğusu üçün aparılmış və hesablama modeli qurulmuşdur.
Açar sözlər: Xəzər dənizi suyu, ikinci enerji ehtiyatları, ekoloji zərər, termiki distillə, çoxpilləli ani qaynama, şirinləşdirmə, hesablama modeli