DOI: https://doi.org/10.36719/2706-6185/46/221-229
Oqtay Nağıyev
Bakı Dövlət Universiteti
magistrant
https://orcid.org/0009-0007-7215-4542
naghiyevoktay@gmail.com
Ənənəvi və rəqəmsal marketinq müqayisəli təhlil
Xülasə
İllər boyu marketinq fəaliyyəti müştərilərə xidmət və xidmətin daha effektiv həyata keçirilməsi üsulu kimi yadda qalmaqdadır. Lakin, məhsul çeşidi dəyişir, strategiyalar isə dəyişilməz qalır. Müasir dövrümüzdə rəqəmsal marketinq bəzən də elektron marketinq kimi tanınır. Burada məqsəd satış həcmini artırmaq, yeni-yeni müştərilər əldə etmək və ticarət markasını ön plana çıxarmaqdır. Bunların hər birini həyata keçirdiyimiz zaman ən əsas məqsəd xərclərin minimumlaşdırılmasıdır. İnternet vasitəsilə məhsul və ya xidmətlərin satışının aparılması ilə bağlı marketinq fəaliyyətinin vasitələrinə aiddir: sosial medialar tərəfindən aparılan marketinq, kataloq siyahısı və ən başlıcası müəyyən növ hədəflənmiş onlayn promosyonlar. Ənənəvi marketinq müəyyən növ nəticələri əldə etmək üçün həm vaxt, həm də büdcə tələb edən marketinq metodudur. Ənənəvi marketinqin müxtəlif üsulları bunlardır: qəzet, radio, televiziya, jurnal reklamları və s. Texnologiyalar müasir dövrümüzdə bütün sahələrdə inqilab gətirdi. Rəqəmsal marketinqin sürətli inkişafı internet və sosial media saytlarında özünü daha qabarıq şəkildə göstərir. Rəqəmsal marketinqlə rəqəmsal sahədə müxtəlif cür reklamları, ənənəvi marketinqlə isə təşkilatın ticarət markasını təqdim edə bilərik.
Açar sözlər: marketinq, rəqəmsal, ənənəvi, xidmətlər