DOI: https://doi.org/10.36719/2789-6919/57/142-146
Elmir Bəhrəmli
Azərbaycan Memarlıq və İnşaat Universiteti
magistrant
https://orcid.org/0009-0008-2431-3761
behremli.elmir1@gmail.com
Heydər Əliyev adına Bakı Neftayırma Zavodunda neft məhsulları ilə çirklənmiş tullantı sularından ərazi və əhalinin mühafizəsinin təşkili
Xülasə
Heydər Əliyev adına Bakı neftayırma zavodu ərazisində neft məhsulları ilə çirklənmiş tullantı sularının idarə olunması ekoloji təhlükəsizliyin təmin edilməsində mühüm rol oynayır. Bu tip tullantı suları torpaq, yeraltı sular və Xəzər dənizi üçün ciddi risk yaradır. Buna görə də mühafizə tədbirləri kompleks yanaşma əsasında təşkil olunur. İlk növbədə, tullantı sularının mexaniki, kimyəvi və bioloji üsullarla təmizlənməsi həyata keçirilir. Müasir təmizləyici qurğular vasitəsilə neft və digər zərərli maddələrin səviyyəsi minimuma endirilir. Eyni zamanda, monitorinq sistemləri qurularaq suyun keyfiyyəti daim nəzarətdə saxlanılır. Ərazinin və əhalinin mühafizəsi üçün sanitariya zonaları yaradılır, fövqəladə hallara qarşı operativ tədbirlər planı hazırlanır. İşçi heyətin ekoloji maarifləndirilməsi və təhlükəsizlik qaydalarına riayət olunması da vacib amillərdəndir. Bu tədbirlər nəticəsində həm ətraf mühitin qorunması, həm də əhalinin sağlamlığının təhlükəsizliyi təmin edilir.
Açar sözlər: neftayırma, Bakı, zavod, mühafizə, tullantı, çirklənmə, təmizləmə