DOI: https://doi.org/10.36719/2706-6185/49/27-32
Xəqani İsmayılov
Naxçıvan Dövlət Universiteti
pedaqogika üzrə fəlsəfə doktoru
https://orcid.org/0009-0002-9645-5626
ismayılov.xaqani@ndu.edu.az
İdmançı şəxsiyyətinin formalaşmasında ətraf aləmin və orqanizmin
vəhdəti haqqında
Xülasə
Məqalədə əks etdirilmiş əsas başlıca məqsəd şəxsiyyətin hərtərəfli inkişafı prinsipidir. Ümumilikdə, fiziki tərbiyənin məzmunu və predmetini planlaşdırmaq mühüm əhəmiyyət kəsb edir. Qabaqcıl pedaqoji təcrübənin ümumiləşdirilməsi və öyrənilməsi metodu elmi-praktik və nəzəri ədəbiyyatın öyrənilməsinə əsaslanmışdır. Xüsusilə qeyd olunan cəhət isə orqanizmin sabitliyinin və möhkəmləndirilməsinin təmin edilməsi məqsədilə uşağın tez-tez dəyişən xarici aləmlə fiziki tərbiyə sistemini üzvi şəkildə əlaqələndirməyin başlıca vasitəsi kimi elmi şəkildə əsaslandırılmış rejimin, hərəki bacarıqların formalaşdırılması, yəni hərəki fəaliyyətin müxtəlif formalarının — səhər gimnastikası, mütəhərrik oyunlar və idman çalışmalarının imkanları, yeri və rolu xüsusi qeyd olunmuş və işıqlandırılmışdır. Məqalədə belə bir qənaətə gəlmək olar ki, fiziki mədəniyyət bədən quruluşunun harmoniyasını yaratmaqla sağlam bədən, qədd-qamət formalaşdırır və estetik hissələrin tərbiyə olunmasına kömək edir.
Açar sözlər: fiziki tərbiyə, hərəki bacarıq, idman, fiziki təlim, fiziki çalışmalar