DOI: https://www.doi.org/10.36719/2789-6919/7-11

Azərbaycan Dövlət Mədəniyyət və İncəsənət Universiteti

magistrant

Azərbaycanda turizm sahəsi digər qeyri-neft sektorları arasında birinci yer tutur. Turizm sektorunun inkişaf etdirilməsi Azərbaycan Respublikasının apardığı dövlət siyasətinin əsas tərkib hissəsidir. Ulu öndər Heydər Əliyev Azərbaycanın turizm potensialı qiymətləndirərək turizm sahəsinin tənəzzüldən çıxarılması və inkişafı ilə bağlı müxtəlif tədbirlər və dövlət siyasətləri həyata keçirmişdir. Heydər Əliyevin həyata keçirdiyi strategiyaları nəticəsində Azərbaycanın iqtisadiyyatının yaxşılaşması turizm sektoru üzrə düzgün islahatların aparılmasına yardım etmişdir. Azərbaycan son illərdə dünya ölkələri arasında yeni turizm məkanı kimi tanınır. Dövlətin prioritet məqsədlərindən biri turizm sahəsini inkişaf etdirmək və ölkənin iqtisadiyyatının aparıcı sahəsinə çevirməkdir. Azərbaycanda turizm üzrə irəliləyiş bu məqsədin həyata keçməsinə şərait yaradır.