Süni intellekt (Sİ) müasir dövrdə təhsil sisteminin ən mühüm yeniliklərindən biri kimi çıxış edir. Ənənəvi müəllim mərkəzli yanaşmaların əksinə olaraq, Sİ fərdiləşdirilmiş öyrənmə imkanları yaradaraq hər bir tələbənin bilik səviyyəsinə, öyrənmə sürətinə və fərdi ehtiyaclarına uyğun adaptiv təlim mühiti təqdim edir. Avtomatlaşdırılmış qiymətləndirmə, virtual müəllimlər, dil öyrənmə tətbiqləri və öyrənmə analitikası kimi texnologiyalar müəllimlərin işini asanlaşdırır, tədrisin səmərəliliyini artırır və tələbələrin motivasiyasına müsbət təsir göstərir. İngilis dilinin tədrisində Sİ-nin tətbiqi xüsusilə əhəmiyyətlidir. Ənənəvi metodların məhdudiyyətləri – fərdi ehtiyacların nəzərə alınmaması, praktik danışıq bacarıqlarının zəif inkişafı və motivasiyanın azalması – süni intellekt əsaslı alətlər vasitəsilə aradan qaldırılır. Duolingo, Babbel, Grammarly, ChatGPT, Elsa Speak kimi tətbiqlər fərdiləşdirilmiş öyrənmə, dərhal geribildirim, tələffüzün təkmilləşdirilməsi və interaktiv məşqlər imkanları yaradır. Ali məktəblərdə və özəl kurslarda Grammarly, QuillBot, Duolingo və ELSA Speak kimi alətlərdən istifadə edilir. Dövlətin “Rəqəmsal transformasiya” strategiyası çərçivəsində təhsildə Sİ texnologiyalarının tətbiqi təşviq olunur. Bununla belə, texnoloji infrastrukturun qeyri-bərabərliyi, müəllimlərin hazırlıq səviyyəsi, dil baryeri və etik məsələlər kimi çətinliklər qalmaqdadır. Ümumilikdə, Sİ təhsildə yalnız texnoloji alət deyil, həm də pedaqoji transformasiyanın əsas hərəkətverici qüvvəsidir. Onun uğurlu tətbiqi tədrisin keyfiyyətini yüksəldir, öyrənməni daha dinamik və inklüziv edir, tələbələrin XXI əsrin tələblərinə cavab verən bacarıqlar qazanmasına şərait yaradır

Açar sözlər: süni intellekt, fərdiləşdirilmiş öyrənmə, adaptiv platformalar, avtomatlaşdırılmış qiymətləndirmə, yazı köməkçiləri, virtual sinif

MƏQALƏNİ YÜKLƏ

Onlayn bax

Baxış: 267