DOI: https://doi.org/10.36719/2663-4619/123/105-110
Kifayət Mənsimova
Azərbaycan Dillər Universiteti
https://orcid.org/0009-0009-6444-9716
kifayetmnv@gmail.com
İnkluziv təhsil sistemində müəllimin rolu
Xülasə
Araşdırılan məqalə pedaqogika sahəsində mühüm bir problemə – inklüziv təhsilə həsr olunmuşdur. Müasir dünyada inklüzivlik konsepsiyasının genişləndirilməsi ilə bağlı müzakirələr getdikcə populyarlaşır. Bu məqalədə inklüziv təhsildə müəllimin rolu araşdırılır. Bildiyimiz kimi, təhsil sosial proseslərə təsir edən mühüm amil kimi tanınır və şəxsiyyəti müəyyən edən keyfiyyət və dəyərlərin formalaşmasına xidmət edir. Demokratik təhsil cəmiyyətin bütün üzvləri – həm əmək qabiliyyətli, həm də əlilliyi olan şəxslər üçün bərabər təhsil hüquqlarını təmin edir.
Məqalədə müəyyən edilir ki, inklüziv təhsil mühiti müxtəlif təhsil qabiliyyətinə malik, həm əlilliyi olan, həm də olmayan uşaqların birgə təhsil aldıqları məkandır. Bu sistemdə müəllimə xüsusi rol verilir: o, sadəcə biliyin daşıyıcısı deyil, bütün tələbələrin təhsilini və inkişafını formalaşdırmağa qadir olan həssas, çevik və ixtisaslı mentor olmalıdır.
Vurğulanan əsas məqsəd ondan ibarətdir ki, mədəni-tarixi nəzəriyyə öyrənmə və şəxsi inkişafın sosial mühitdən, qarşılıqlı əlaqədən və birgə fəaliyyətdən asılı olması ideyasını irəli sürür. Bu, inklüzivlik və inklüziv təhsil üçün mühüm təməldir, çünki qarşılıqlı əlaqə, sosial mühit və dəstək burada əsas rol oynayır.
Açar sözlər: pedaqogika, təhsil, tərbiyə, inklüzivlik, tələbələr, müəllim