DOI: https://doi.org/10.36719/2663-4619/115/195-199
Ruslan Hüseynov
Azərbaycan Respublikası DİN-in Polis Akademiyası
https://orcid.org/0009-0002-8487-572X
huseynov.1820@mail.ru
Korrupsiya cinayətlərinin ictimai təhlükəlilik dərəcəsi və cəmiyyətə təsiri
Xülasə
Korrupsiya cinayətləri ictimai təhlükəlilik səviyyəsinə görə ciddi və geniş təsir dairəsinə malik hüquq pozuntularıdır. Bu cinayətlər iqtisadi inkişafı ləngidir, dövlət orqanlarının fəaliyyətində şəffaflığı və ictimai etimadı azaldır, həmçinin sosial ədalətsizlik və qeyri-bərabərliyi dərinləşdirərək cəmiyyətdə narazılıq mühitini gücləndirir. Korrupsiyanın yayılması dövlət idarəçiliyinin səmərəliliyini zəiflətməklə yanaşı, hüquqi dövlət prinsiplərinə, insan hüquqlarına və demokratik təsisatlara mənfi təsir göstərir. Belə cinayətlərin qarşısının alınması üçün hüquqi, institusional və ictimai nəzarət mexanizmlərinin gücləndirilməsi zəruridir. Hüquqi tədbirlərlə yanaşı, ictimai nəzarət, şəffaflıq və vətəndaş fəallığı korrupsiyaya qarşı mübarizədə mühüm rol oynayır. Eyni zamanda, gənc nəslin maarifləndirilməsi, etik dəyərlərin təşviqi və elektron hökumət texnologiyalarının tətbiqi bu sahədə mühüm nəticələr verir. Korrupsiyaya qarşı beynəlxalq əməkdaşlıq və dünya təcrübəsinin tətbiqi də səmərəli mübarizəyə töhfə verir. Yalnız kompleks və davamlı tədbirlərlə korrupsiyanın ictimai təhlükəlilik səviyyəsini azaltmaq və hüquqi, ədalətli bir cəmiyyət qurmaq mümkündür.
Açar sözlər: korrupsiya cinayətləri, ictimai təhlükəlilik, sosial təsir, iqtisadi inkişaf, dövlət idarəçiliyi