DOI: https://doi.org/10.36719/2706-6185/57/82-85
Cavid Zeynalov
Azərbaycan Dövlət Mədəniyyət və İncəsənət Universiteti
https://orcid.org/0000-0002-9669-737X
j.zeynalovf@gmail.com
Həsən Səmədov
Anadolu Universiteti
https://orcid.org/ 0009-0009-5343-7605
hesensemedov01@gmail.com
Modernizmdən postmodernizmə: İstehlak mədəniyyəti və
istehlak cəmiyyətinin yenidən qurulması
Xülasə
Bu məqalə modernizmdən postmodernizmə keçidi istehlak mədəniyyətinin transformasiyası kontekstində təhlil edir. Tədqiqat modernliyin istehsal mərkəzli rasional nizamından postmodern dövrdə istehlakın simvolik və mədəni mərkəziliyinə doğru baş verən dəyişimi araşdırır. Modernizm rasionalizm, obyektivlik və diferensiasiya prinsipləri üzərində qurulmuş çərçivə kimi təqdim olunur və postmodern istehlak mədəniyyətini anlamaq üçün müxtəlif nəzəri yanaşmaların müqayisəli təhlili zəruri hesab edilir. Postmodern şəraitdə istehlak statusun, kimliyin və sosial mövqelənmənin ifadə olunduğu mədəni mexanizmə çevrilir. Artıq istehlak yalnız funksional xarakter daşımır, həm də simvolik və məna yaradan ölçü qazanır. Müqayisəli nəzəri mənbələrin təhlilinə əsaslanan bu tədqiqat göstərir ki, sosial münasibətlər və mədəni ifadələr getdikcə daha çox istehlak praktikaları ətrafında formalaşır və modernliklə postmodernlik arasındakı konseptual fərqlər istehlak mədəniyyətinin dəyişən dinamikası vasitəsilə izah oluna bilər.
Açar sözlər: modernizm, postmodernizm, istehlak, istehlak mədəniyyəti, transformasiya