DOI: https://doi.org/10.36719/2663-4619/113/90-95
Elmar Məhərrəmzadə
Bakı Ali Neft Məktəbi
magistrant
https://orcid.org/0009-0007-2899-1124
elmar.mahharramzada@gmail.com
Müştəri əlaqələrinin inkişafına və reklam sənayesində müştəri istəklərinin yaradılmasına emosional zəkanın təsiri: “Tonuby LLC” nümunəsi
Xülasə
Son illərdə fərqinə varırıq ki, biznes sektorlarında inkişaf yalnız rəqəmlərlə deyil, həm də innovativ düşüncələrlə ölçülür. İndi hər bir şirkət bazar payını qazanmaq üçün işçilərinin qayğısına qalmalıdır. Tədqiqatımızın əsas məqsədi emosional zəkanın müştəri əlaqələrinin inkişafına təsirini araşdırmaqdır. Əmək fəaliyyətində emosional zəkanın nə dərəcədə tələb olunduğunu müəyyən etmək günümüzün mühüm problemlərindən biridir. Bu araşdırmanı apararkən Azərbaycanda reklam sənayesində hansı performans göstəricilərinin kəmiyyət və keyfiyyətcə qiymətləndiriləcəyini müəyyən etdik. Müştəri yönümlü bir şirkət olaraq biz Tonuby LLC-ni nəzərdən keçirdik.
Emosional zəka müştərilərlə birbaşa əlaqəli olduğu üçün davranışda mühüm rol oynayır, ona görə də şirkətlər öz emosional zəka səviyyələrini qiymətləndirməli və bu sahəni təkmilləşdirmək üçün addımlar atmalıdırlar. Emosional zəka zamanla dəyişir və biznes göstəricilərinə təsir edir. Bu qiymətləndirmələrin müəyyən göstəricilərə necə təsir etdiyini ölçmək yalnız maliyyə nəticələri üçün deyil, həm də müştəri bazasının qorunması və davamlılığı üçün kritik əhəmiyyət kəsb edir. Nəticədə, işçilər arasında yüksək səviyyədə emosional zəkanın inkişafı müştəri məmnuniyyətini, sədaqəti və uzunmüddətli biznes uğurunu artıra bilər.
Açar sözlər: emosional zəka, müştəri məmnuniyyəti, reklam