DOI: https://doi.org/10.36719/2789-6919/44/57-60
Ülkər Həsənzadə
Naxçıvan Dövlət Universiteti
https://orcid.org/0009-0006-7869-1106
ulker.hasanzade89@gmail.com
Naxçıvanda tarixi-mədəni turizm: irsin yaşadılması
Xülasə
Turizm çoxşaxəli inkişaf istiqamətlərinə malik olan və müasir dövrdə ən çox diqqət cəlb edən sahələrdən biridir. Eyni zamanda, dövlətlərarası münasibətlərin formalaşması və sosial-iqtisadi inkişafa təsir edir.
Sosial-iqtisadi inkişaf, yüksək həyat şəraiti, sabitlik və qəbul edilən Dövlət proqramlarının uğurlu icrası Naxçıvanda bütün sahələrdə olduğu kimi turizmin də inkişafını təmin edib. Naxçıvan Muxtar Respublikası, Azərbaycanın ən qədim yaşayış məskənlərindən biri olmaqla, zəngin tarixi və mədəni irsi ilə turizm baxımından böyük potensiala malikdir. Bölgədə yerləşən abidələr, dini ziyarətgahlar, memarlıq nümunələri və muzeylər Naxçıvanı tarixi-mədəni turizm mərkəzinə çevirir. Naxçıvan tarixi-mədəni turizm baxımından həm yerli, həm də xarici turistlər üçün maraqlı və unikal məkanlardan biridir. Burada keçmişin izlərinin yaxşı qorunaraq bu günə daşınması həm elmi, həm də estetik baxımdan zəngin turizm təcrübəsi təqdim edir.
Açar sözlər: Naxçıvan, turizm, tarix və mədəniyyət abidəsi, Əlincə qalası, Gəmiqaya abidələri