DOI: https://doi.org/10.36719/2706-6185/47/151-156
Muğdət Abdullayev
Bakı, Azərbaycan
https://orcid.org/0009-0002-7773-9658
mugdet.abdul@mail.ru
Nizami yaradıcılığında atəşpərəstliklə əlaqəli anlayış və ifadələr
Xülasə
Məqalədə Nizami Gəncəvi yaradıcılığı atəşpərəstlik dini aspektindən tədqiqata cəlb olunmuşdur. Bu dinlə bağlı olan bəzi ifadə, termin haqqında məlumat verilmiş, onların şairin əsərlərində işlənmə şəkilləri nümunələr əsasında göstərilmişdir.
Araşdırmada Zərdüştlük mifologiyasından da bəhs edilir, Hörmüz və Əhrimən kimi dualistik qütbləri formalaşdıran Allahlar, onların "Xəmsə"də işlənmə məqamları izah olunur. Həmçinin div sözünün işlənmə mövqelərinin geniş şərhi verilir.
Muğ, məcus, şəmmas və s. kimi bu dinlə bağlı olan anlayışların da nümunələr əsasında izahı öz əksini tapır. Eyni zamanda Avesta fəlsəfəsi ilə səsləşən məqamlara da diqqət yetirilib.
Açar sözlər: Nizami, Xəmsə, atəşpərəstlik, Avesta, mifoloji obraz