DOI: https://doi.org/10.36719/2789-6919/57/27-32
Nizami Əkbərov
Azərbaycan Dövlət Pedaqoji Universiteti
kimya üzrə fəlsəfə doktoru
https://orcid.org/0009-0005-4611-8754
nizamiakbarov60@gmail.com
Gülzar Şadlinskaya
Azərbaycan Dövlət Pedaqoji Universiteti
kimya üzrə fəlsəfə doktoru
https://orcid.org/0009-0008-8358-5599
shadligulzar@yandex.ru
Pedaqoji universitetlərdə qeyri-üzvi kimya fənninin tədrisində müasir təsəvvürlər
Xülasə
Bu məqalə pedaqoji universitetlərdə Qeyri-üzvi kimya fənninin müasir səviyyədə və müasir təsəvvürlərlə tədrisinə və daha keyfiyyətli təhsilə nail olmaq üçün kimya elminin bu sahəsinin tədrisi prosesinə verilən tələblərə həsr edilmişdir. Qeyd olunmuşdur ki, Qeyri-üzvi kimyanın Ümumi kimya ilə əlaqəli öyrənilməsi, mövzuların sistemli şəkildə, fəndaxili və mövzulararası əlaqələrin tətbiqi fonunda tədrisi təhsilin keyfiyyətinə müsbət təsir edir. Müasir təhsil mühitində getdikcə daha çox əhəmiyyət kəsb edən mühazirənin sistemli şəkildə olması və onun yaratdığı müsbət rolu məqalədə daha aydınlıqla vurğulanmışdır. Həmçinin, qeyd edilir ki, tədris materialının seçilmə prinsipi - öyrənilən anlayışların, hadisələrin və xüsusiyyətlərin daxili qarşılıqlı əlaqələrinə, eləcə də tələbələrin inkişaf etdirilən bacarıq və qabiliyyətlərinə əsaslanaraq təklif olunur. Mühazirələrin aparılması üçün pedaqoji texnologiya hazırlanmalıdır ki, bu da mövzunun başa düşülməsini təmin edər, sübutlara əsaslanan və təhsil xarakterli mühazirə mətninin təqdimat formasını və tələbələrin qeyri-üzvi kimya üzrə öz “orijinal” dərsliklərini yazmasını əhatə edə bilər. Beləliklə, öz “dərsliyini” yaratmaq tələbələrin bütün intellektual resurslarından istifadə edərək, müstəqil, gündəlik, aktiv işini stimullaşdırır. Eyni zamanda, fərdin məntiqi düşüncə aparatı inkişaf edir, idrakın davamlı zəncirində zəruri bir halqa yaranır. Nəticə etibarilə, bilik - neyron şəbəkəsi kimi fəaliyyət göstərməyə başlayır ki, bu da mahiyyət etibarilə, düzgün təşkil olunmuş təhsil fəaliyyətlərinin nəticəsi kimi qəbul olunmalıdır.
Açar sözlər: mühazirə, anlayış, orijinal “dərslik”, pedaqoji texnologiya, fəndaxili əlaqələr, tədris metodları, informasiya texnologiyaları.