DOI: https://doi.org/10.36719/2706-6185/53/23-27
Sevinc Orucova
Naxçıvan Dövlət Universiteti
psixologiya üzrə fəlsəfə doktoru
https://orcid.org/0009-0000-2464-3199
s.orucova.71@gmail.com
Praktik psixoloqa verilən ixtisas tələbləri
Xülasə
Məqalədə praktik psixoloqun fəaliyyətindən, ixtisasına verilən tələblərdən bəhs olunur. Qeyd olunur ki, praktik psixoloqun uşaqlarla işləmək sahəsində zəruri təcrübəyə malik olması vacib şərtlərdən biridir. Onun fəaliyyətinə qeyd olunan ümumi tələblərlə yanaşı, bir sıra xüsusi tələblər də verilir. Bu tələblər sırasında praktik psixoloqun ayrı-ayrı istiqamətlər — məsələn, psixodiaqnostika, psixokorreksiya, “çətin” uşaqlarla iş, inkişafda geridə qalan və s. uşaqlarla aparacağı işlərlə bağlı tələblər mühüm yer tutur. Praktik psixoloqun şəxsiyyətlərarası ünsiyyət sahəsində biliklərə, bacarıq və vərdişlərə dərindən bələd olması vacib şərtlərdən biridir. Psixoloji metodikaları, qaydaları, onların layihələndirilməsi, nəticələrin yoxlanılması və qiymətləndirilməsi üzrə işin uğurlu olması üçün praktik psixoloq riyazi statistika, proqramlaşdırma, kompüterdə işləmək kimi zəruri biliklərə və onlardan istifadə etmək bacarıqlarına da malik olmalıdır.
Açar sözlər: praktik psixoloq, ixtisas tələbləri, psixoloji məsləhət, məktəbdə psixoloji xidmət