DOI: https://doi.org/10.36719/2663-4619/116/9-15
Vüsalə Muradəliyeva
ADA Universiteti
https://orcid.org/0009-0003-5661-1062
vmuradaliyeva14704@ada.edu.az
Qeyri-rəsmi məşğulluq və ya layiqli pensiya? Hansı daha arzuolunandır?
Xülasə
Qeyri-rəsmi iqtisadiyyat və onun əsas hissəsi olan qeyri-rəsmi məşğulluq Azərbaycan siyasətçiləri üçün vacib məsələlərdən biri olaraq qalır. Beynəlxalq Əmək Təşkilatının (ILO) məlumatına görə, qeyri-rəsmi iqtisadiyyatlar adətən yüksək yoxsulluq səviyyəsi və ciddi layiqli əmək çatışmazlığı ilə xarakterizə olunur. İqtisadiyyatın rəsmi formaya keçirilməsi cəmiyyətdə imkanların və resursların ədalətli bölüşdürülməsi baxımından mühüm əhəmiyyət kəsb edir. ILO-nun 2002-ci il tarixli “Layiqli əmək və qeyri-rəsmi iqtisadiyyat haqqında qətnaməsi”ndə qeyri-rəsmi iqtisadiyyat, hüquqi və institusional mexanizmlərlə yetərincə əhatə olunmayan bütün iqtisadi fəaliyyətləri əhatə edən anlayış kimi təqdim olunur. Ədəbiyyatda bu iqtisadiyyat növü kölgə, qeyri-rəsmi və ya boz iqtisadiyyat adlandırılır. Qeyri-rəsmi iqtisadiyyatın aradan qaldırılması davamlı inkişaf və əmək bazarının səmərəliliyi üçün vacibdir.
Açar sözlər: qeyri-rəsmi iqtisadiyyat, qeyri-rəsmi məşğulluq, layiqli əmək, ILO, kölgə iqtisadiyyatı, iqtisadi formallaşma