Regionlarda aqroparkların formalaşdırılması
perspektivləri
Elşən İsmayılov 
Xülasə. Məqalədə Azərbaycanın regionlarında aqroparkların formalaşdırılması və inkişaf perspektivləri araşdırılmışdır. Aqroparkların kənd təsərrüfatının modernləşdirilməsi, ərzaq təhlükəsizliyinin təmin olunması, ixrac potensialının artırılması və regionların sosial-iqtisadi inkişafına təsiri təhlil edilmişdir. Tədqiqat nəticəsində müəyyən edilmişdir ki, aqroparklar innovativ texnologiyaların tətbiqinə, torpaq və su resurslarından səmərəli istifadəyə, məhsuldarlığın yüksəldilməsinə və yeni iş yerlərinin yaradılmasına əhəmiyyətli töhfə verir.
Məqalədə aqroparkların inkişaf dinamikası, regional potensial və gələcək inkişaf istiqamətləri statistik göstəricilər əsasında qiymətləndirilmişdir. Tədqiqatın məqsədi – respublikamızın regionlarında aqroparkların formalaşdırılması istiqamətlərinin müasir ekosistemdə qarşılıqlı təsir elementlərinin müəyyən edilməsindən ibarətdir.
Tədqiqatın metodologiyası – tədqiqat aqroparkları əsasları təhlil edilməklə, onların bir sıra üstün və çatışmayan xüsusiyyətlərini müəyyən etməklə müasir dövrün tələblərinə uyğun aqroparkların respublikamızda formalaşdırılmasının müəyyən edilməsinə uyğun həyata keçirilmişdir. Tədqiqatda regionlarda aqroparkların formalaşmasının kompleks inkişafı məqsədilə yeni yanaşma amilləri müəyyən edilmişdir. Aqroparkların müasir standartlara uyğun yeni inkişaf amilləri nəzərə alınmaqla formalaşması təklif edilir.
Açar sözlər: ekosistem, aqropark, ekologiya, resurs, struktur, inkişaf